Pier Luis ëd Barban/Riflession
Riflession
[modifiché]1 - MIDANDI
J’han bitaji ‘l MIDANDI al stàtui patanùi che j’è an gir për la sità ‘d Roma, pirchè aj rivava j’Iranian. Lor j’han ël petròlio… alora anta fé come i veulo LOR.
2 – MIDANDI 2
Për dimostré che i son an sël travaj, a San Remo, i dipendent dël Comun i timbro ‘l cartelin an MIDANDI, parej anveci d’andé travajé, i van torna a dreumi.
3 - BATIBEUJ
I diso ch’aj sia staji in BATIBEUJ a RYAD, da part dij component dla delegassion italian-a, për amnì an posses dij ROLEX d’OR… i famos ROLEX d’ARABIA. Rensi l’era lì, ma j’han nen dij-lo. Mah!
4 - CASAMONICA
Funeral ëd Casamònica // chiel-lì:
- s’a l’era in delinquent, pirchè ël girolava tranquilament an libertà (prima ‘d meuri)?
- s’a l’era nen in deliquent ël podiva meuri come ‘l voriva.
- che al funeral aj fijssa dcò n’elicòtero l’è pirchè gnun lo sava. Për fòrsa, a Alfano j’han nen ricordà-si ëd dij-lo.
5 - BANCHI
El banchi restituisso pu nen i sòld pirché j’han pu. Tra FONDASSION, PARTI’, PAPA’, PARENT VARI e COMPARI j’han fac fòra tut. E ades pagoma noi.
6 – ESODATI
J’han sbalià-si: gnente pensiòn e gnente travaj… j’han creà ‘na rassa neuva: j’ ESODATI. Che brav i nòcc governant …Monti? Fornero? J’acc dòp? Mah!
7 – BROS
E dòp j’80 euro ‘d Rensi, concedì ai rédit pu bas, i veuro de-ji 300 euro al meis ai dsocupà. A Nàpoli j’han za creà in moviment ch’as ciama BROS, che sareisso peu dij DISOCUPA’ CRONIC ORGANISA’. Voghi vanda van finì i nòcc sòld? Anveci ‘d fé tanti gavadi… aumenté-ji o stipendi a chi ch’ël travaja. I dipendent dla SCOLA pùblica o sarà vint agn che pijo sempi la medesima paga! E i MORO-NEGHER che giro tut o dì për ël stra, sensa fé gnenti, che ch’aj mantén? Mah!
8 – RIPRESA
Rensi e Padoàn aj diso che j’è la RIPRESA e che sima fòra dal tùnel pirchè ‘l famiji, ant jùltim meis, j’ha catà ël 0,5% ëd pu. Për fòrsa… d’invern j’òrt i rendo pòc e alora venta andé caté la salata an botega (varda lì come aumènto j’aquìst). Ma l’impreisi smija che j’abio nen tanta FIDUCIA E SPERANSA, e peu ël fatto ch’aj sia tanti asiendi che peuro nen restituì i sòld, (che j’ha fassi ampresté dal banchi; as parla ëd diversi miliòn), a l’è in brut presentimènt. Ma LOR i diso che sima fòra dla crisi. Ma conté nen dël bali!
Pierluis ëd Barban - fërvé 2016