Pier Luis ëd Barban/Cansson ëd Giandoja

Da Wikisource.
Jump to navigation Jump to search

Artorn


Cansson ëd Giandoja[modifiché]

La stòria ch’iv contoma
l’é nostra tradission,
noi soma ij fieuj ‘d Giandoja,
noi soma dij campion.

Se ‘ndoma për ėl mond
la tristėssa a scapa via,
an tut ėl nòst Piemont
portoma l’alegrģa.

Sarà col vin ciarèt
ch’a j’é ‘nt ij nòst crotin,
ma noi ėd Calianèt
mandoma via ij sagrin.

E fin ch’ėl sol a bat
a venta travajé,
ma quand i soma strach
andoma a riposé.

E viva ‘l nòst Giandoja,
s'i foma dėl rabel
aussoma tuj la doja
che ‘l mond a l’é pi bel.

E viva ‘l nòst Giandoja,
e viva ‘l nòst Monfrà,
aussoma tuj la doja
contoma pėr la strà.

Cercoma ‘n pò ‘d fortun-a
e stoma ‘n companìa,
voroma nen la lun-a
ma ‘na frisa d’alegrìa.

E viva ‘l nòst Giandoja.....

Pierluis ėd Barban - magg 2013