Orassion e liturgìe piemontèise/Benedictus

Artorn

---

Ël Benedictus (ël cant ëd Zacarìa, Luca 1:68-79)

⁶⁸"Ch'a sia benedì Nosgnor, ël Dé d'Israel, përchè ch'a l'ha visità e liberà Sò pòpol, ⁶⁹e përché a l'ha fane seurte un Salvator potent ant la cà 'd David, sò servitor. ⁷⁰Conforma lòn ch'a l'avìa nunsià dai temp antich për la boca 'd Sò sant profeta, ⁷¹ch'i sarìo stàit salvà dai nòstri nemis, da le man ëd tùit coj ch' an veulo mal. ⁷²Nosgnor a l'ha falo për mostré ai nòstri antich soa misericòrdia e për arcordesse 'd soa santa aleansa, ⁷³ël giurament ch'a l'ha fàit a Abraham nòstr pare. Costa aleansa a a promet d’acordene che ⁷⁴nojàutri, liberà da le man dij nòstri nemis, i Lo servirìo sensa timor, ⁷⁵con santità e giustissia dëdnans a chiel, për tùit ij nòstri dì. ⁷⁶E ti, pcita masnà, it saras ciamà 'l profeta dël Pì-Àut, përché ti 't andras dë 'dnans a Nosgnor për pronteje la stra^[1], ⁷⁷e për dé la conossensa dla salvëssa a sò pòpol ant la remission dij sò pecà. ⁷⁸Grassie a la bontà misericordiosa 'd nòstr Dé, la lus matinal dël cél a l'é 'n camin ch'a seurt d'impit an sù nojàutri, ⁷⁹për anluminé coj ch'a stan ant ël top e a l'ombra dla mòrt e për guidé ij nòstri pas an sël sënté dla pas".

Nòte

1. Cfr. Malachia 3:1.

---

Artòrn a: Orassion e liturgìe piemontèise