Nino Costa/Umberto

Da Wikisource.

Artorn


Umberto[modifiché]

Sij barbis gris e sla caviera bianca,
tajà "a l'Umberta", e sla gran facia fiera
së specia 'l cheur dël Prinssi 'd Vilafranca,
ël Re pietos ch'a l'ha sfidà 'l colera.
Tra ij crij dla piassa e le maneuvre 'd banca,
d'antorn a Chiel n'Italia matinera
ch'as forma 'nt ij maleur e ch'as rinfranca…
Na macia neira 'd sangh an sla bandiera.
E Chiel, da sol, an sla gineuria bassa,
për sò pais e për l'onor dla rassa
l'ha dait tut lòn ch'a peul dé 'n Re: la vita.
Në smïa 'd vëddlo, 'ncora adess, ch'a passa
setà 'nt ël sò landò: la testa drita…
compagnà dal soris ëd Margherita.