Nino Costa/Tèra monfrin-a

Da Wikisource.
Jump to navigation Jump to search

Artorn


Tèra monfrin-a[modifiché]

Tèra monfrin-a, nòsta mare antica
piena ëd passion e 'd glòria,
tèra monfrin-a generosa e rica
ma sensa bòria,

tò vin sincer che ant le vassele pien-e
dòp la vendëmmia a beuj
l'é ross parèj dël sangh drinta le ven-e
dij tò bej fieuj.

Le fior dij tò giardin son pa tant bele
pa tant grassiose e fin-e
com a lo son le facie barivele
dle toe monfrin-e

Ti it ses l’amor che dzora dle bataje
a gropa ij giov e ij vej parèj
dël brassabòsch an sle muraje
…dij tò castej.