Nino Costa/Nòstra ca

Da Wikisource.
Jump to navigation Jump to search

Artorn


Nòstra ca[modifiché]

O nostra cà! magara povra e cita,
ma tuta nostra e, côme 'n nì, tranquila,
chi l'ôma sudà sang per côstruila
côme 'n ripar dai tempôrai dla vita.

Cà d'ij vei e d'ij cit... libera e drita
- e nostr amôr a la fasìa gentila -
adess, lôntan, quand ch'i penssôma a chila
pì forta as sent fôrene 'l cheur na sfita.

E 1'è bastà na neuit: dôe ôre grame,
per vëddla ruviné drinta 'n reu (1) 'd fiame
sôta la furia d'un bômbardament.

O povra cà duverta a tuti i vent!...
ultima pôesia 'ndaita 'n malôra...
Chissà, 'nt l'avnì, s'y tôrnerôma 'ncôra?

(1) reu = cerchia.