Nino Costa/Mila lire...

Da Wikisource.

André a la tàula


Mila lire...[modifiché]

Mila lire: a son sì: des bijet da sent...
l'é chiel ch'a l'ha mandamje, stamatin.
Con lòn i son... pagà... Forse la gent,
la gent onesta a dis ch'a l'ha fàit bin.

Ecco l'amor... l'amor come ch'as sent
al di d'ancheuj: un lét, dontré basin
e peuj, sensa fé tanti compliment
as paga... istess come paghé 'n fachin.

E mi, pòvra masnà sensa esperiensa,
l'hai passà tante neuit e lamenteme,
tante neuit a pioré për n'òm parèj.

Che 'd gofade ch'as fà, sensa savèj!...
Adess ch'i sai... adieu santa inocensa.
Viva la vita, adess... Àutr che masseme!


(an: Mamina, Edission Viglongo, 1981)