Nino Costa/Farchet ëd montagna

Artorn

---

Farchèt ëd montagna

Farchet ëd montagna
che ‘l vent a compagna
su brich e giassé,
 
la grassa pastura
dle tère ‘d pianura
va nen a cerché.

Sla ponta dle ròche
sla crësta dle fiòche
tra nìvole e sol
 
i é gnun ch’at mërcanda,
i é gnun ch’at comanda,
t’ses lìber e sol.

Mej sente sla testa
l’afann dla tempesta,
la furia dël tron,
 
che meuire ‘d cancren-a
tra ij fer dla caden-a
e ‘l foèt dël padron.

DA: Fruta madura, 1931, Viglongo]