Nino Costa/Autre bestie

J'àutre bestie

Nossgnor da 'n cel guardand an giù sla tèra
a fòrsa 'd vëdde tante faussità
e tanta gent për lì ch'as fà la guèra

l'era bele confus e disgustà;
ma 'l diau, malign, a-j va d'avsin e a-j dis:
"Ch'am perdon-a s'i parlo da sfacià,

ma Chiel che da 'l sò tròno, an Paradis,
a peul vëdde sël mond ël gram e 'l bon
e s-ciairé la giairëtta an mes al ris

se, për maleur, jë vnèissa l'ocasion
ëd torna fé 'l prim òm... (sensa modestia)
tornrijlo a felo?". E 'l re dla creassion:

"Për carità!... pitòst fas n'àutra bestia".

(1924)