Ël Pò e la Dòira

Ël Pò e la Dòira; opura: Adamo ed Eva.
Chiel patanù, ma chila dësvestìa.
Chiel a l'ha 'n pèss an man, la facia afrìa
e as ved che l'aria dla piassëtta a-j greva.
Chila, spetand quaidun ch'a la soleva,
jë 'n po gonfia 'nt un fianch për maladìa
e as coata mesa con na coerta greva.
Tuti doi mal piassà sle tombe 'd pera
son lì ch'a scoto con malinconia
l'acqua ch'a sboca drinta ij lavatòri
e a smia ch'a pensso, trist come 'd mortòri;
"Bele sì, j'è tut pront per la lessìa
e as ved gnanca rivé na lavandera!"