Nino Còsta/Cerea
Cerèa
[modifiché]A l'avocat Carlo Baretti
Lontan da sò paìs, trames a 'd gent
ch'a lo ciama, sbefiand: macaronì,
con na fomnëtta dël pavé 'd Parì
e na madòna ch'a j'arvira ij dent;
frust dël travaj, a s-cianca dì për dì,
na vita 'd sacrifissi e 'd patiment,
e a l'ha 'n ël cheur un brut presentiment:
"Mè bel Turin, i lo vëdrai mai pì!".
Fin-a sò cit: na marajòta ardìa
ch'a l'ha tut quant ël deuit dij Turinèis
- vorèi ò nò - lo fan parlé fransèis.
Ma certe sèire, che maman l'é vìa,
col pòr papà ch'a l'é d'un àutra idèa,
's lo seta 'n fàuda e a-j mostra a dì: "Cerèa".