Neuv Sermon Subalpin/Tëmma, gnoransa e colpa

Tëmma, Gnoransa e Colpa[modifiché]

Ij govern a l’han da manca ‘d tre ròbe për controlé la popolassion: tëmma, gnoransa e colpa. La Fej cristian-a a libera la gent da cole ròbe-lì. A l’é për lòn che chila a l’é ‘l nemis pì grand ëd lë stat modern, ch’a l’é sensa Dé. Quand ch’i parlo dla fej cristian-a am arferisso, a l'é sotantèis, a cola autèntica, pa nen a cola version fàussa, pietistica e dël tut sensa fòrsa ch’a dòmina ancheuj la “Cesa” d’Ocident, ch’a l’é n’impostura. Tut’ e tre le ròbe: tëmma, colpa e gnoransa, a l’é lòn che lë Stat modern a na fà la promossion an tra la popolassion minca dì. A l’é col-lì ‘l motiv ch’i l’oma le scòle pùbliche, la sanità pùblica (ël welfare), lë Stat ch’a pretend ëd controlé tut. Ij polìtich a serco an continuassion ëd creé ‘n sens ëd tëmma; le scòle, sota l’aparensa dl’istrussion, a fòrmo na popolassion gnoranta ch’a arsèiv j’anformassion e ‘l dressagi ch’a serv për feje ‘d “bon sitadin” ch’a sostnisso lë Stat, ma sensa comprende vreman lòn ch’a l’é la stòria e la saviëssa. La Cesa, peuj, coma ‘n sërvent ubidient dlë Stat, a l’ha corompù l’Evangeli, pròpi col ch’a arzolv la question dla colpa, parèj che la popolassion, fin-a ij cristian, a capisso pì nen lòn ch’ìa sia la Fèj cristian-a. A l’é la tempesta përfeta, da la mira uman-a, ma a l’é nen lë Stat ch’a l’é an contròl dla stòria, a l’é Nosgnor. Fin-a soa furiosa arvira contra Nosgnor a l’é sota Sò contròl. Jë Stat ch’a agisso parèj a son tuti, a la fin, andà an përdission, a dësparisso, e a seguiteran an sù cola strà-lì”.

Stephen C. Perks, diretor dla Fondassion Kuyper për la promossion dl’Arnassiment dla Cultura cristian-a (https://www.kuyper.org)

Lese: Salm 2