Milo Bré/Tornra-lo ancor

Da Wikisource.

Artorn a la tàula


Tornra-lo ancor, Piemont, la «Stagion Bela»? …[modifiché]

Tornra-lo ancor, Piemont, la stagion bela
con le fior bianche an fàuda al mèis ëd Magg?
Dai buss d’avije a colërà l’amel
e ‘l làit possërà ancor dal sen dle mame?
Le cun-e a fioriran tuti ij sò seugn?
Fiorirà ‘l sol ant ij cavej dij cit?
Tornra-lo ancor, Piemont, la stagion bela
dle pòrte spalancà, fnestre duverte?
A l’aria pura vniran le Toe masnà
parlé paròle antiche coma ‘l sangh?
Tornra-lo ancor, Piemont, la stagion bela,
finì l’invern dla longa almosinansa?

Piemontèis Ancheuj | N. 26, Fërvé 1985