Milo Bré/Ant ël silensi bianch

Da Wikisource.
Jump to navigation Jump to search

Artorn a la Tàula


Ant ël silensi bianch[modifiché]

Ant ël silensi dla fiòca, la neuit
a l’ha 'l candor ëd la nossensa antica,
quand l’òm a l’era candi
e l’alba candia a-j presentava 'l di.

L’è lì la cun-a 'd mè “Voreje Bin”…
Lì la rèis dla fior che as ciama “Amor”,
che -ant ël silensi bianch dle neuit ëd fiòca-
mi seugno, canto e cun-o drinta al cheur…