Luis Olivé/Mercà dle fior

Da Wikisource.

Artorn a la Tàula


Mercà dle fior[modifiché]

A Dino Piccaluga
 
S’l’ànima sombra ‘l sofe d’na malìa
coma ‘l sospir d’na boca an-namorà,
l’han porta-je al poeta an agonia
tante vos già lontane e dësmentià.

Vos cantarine ‘d boche parfumà
d’ij soris pì grassios dla poesìa,
con na cadena ‘d reuse anghirlandà
l’han anvlupalo ‘nt una sinfonia…

Maupassant, Maupassant!, la toa tortura
l’hai sentùla d’cò mi fasseme ‘l cheur
(e la mia ment l’era bin ciaira e pura!).

Na musica, ‘n sospir largh ëd bonheur
l’han sprofondà ‘l batel dla vela scura,
s’l’onda dël mar a l’han robame ‘l cheur

Ventimiglia, Natal 1931