Luis Olivé/Lucressia Bòrgia
Lucressia Bòrgia
[modifiché]E adess i l'hai con mi Lucressia Bòrgia
che l'hai chërdula un gat, ma a l'é na gata.
Euj vèrd. Mascarin nèir. Barbis d'ovata.
Un lenghin reusa e un ronroné da fòrgia.
A l'é grassiosa come na buvata.
Ma a l'é pi mata che na fomna mata.
Am sàuta al còl, am tira la crovata,
m'intra an sacòcia e a veul che la scorata.
Che la scorata an gir për tuta Roma.
Con ël museto fòra 'd mè paltò
dòcia tut ... Fìa d'un Papa, tut l'é sò!
Ma 'l pi ch'a l'é ch'ai pias a l'é la toma,
s-cianché ij tapiss baland al son dle pive
e bate ij tast d' mia màchina da scrive.
Roma, gené 1956
Realismo lirico N° 23-24-25 Sett.-Dic. 1957 ~ Genn.-Febbr. 1958