Luis Olivé/Legenda dla stèila alpin-a

Da Wikisource.

Artorn a la Tàula


Legenda dla stèila alpin-a[modifiché]

«Se còla stèila a l’ha guidà ij Re Mage
a la cabana dël Gesù Bambin,
l’oma mach da seguì ij sò ragg divin
e troveroma ’l Cit. Alèrte, an viage!»

dontrè guerier d’Eròd son disse anfin.
E a l’han spronà ij cavaj, sanglan dë strage.
Ma la stèila filanta sul paisage
l’ha sentuje e piorà sul sò destin:

«Nosgnor, se tut mè ragg a l’è na ponta
dë spà ’n sla testa ’d toa Creaturin-a,
fa che i më sfriza ’d nans che l’alba a sponta...»

Në s-ciòp immens. E mila e na stèilin-a,
cascand sui mont, l’han fàit una traponta
’d fior càndie... A l’era nà la stèila alpin-a.

Da ’l caval ’d brôns Anno XXXIX 1 gené 1961