Laudari piemontèis/Quand che 'l dolor crasa l'anima mia
10. Quand che 'l dolor crasa l'anima mia[modifiché]
Laudari piemontèis - Quand che 'l dolor crasa l'anima mia
Quand che 'l dolor crasa l'anima mia
L’ùnica arsòrsa it reste sèmper Ti.
Mi ven-o a Ti Nosgnor quand ch’as dësvìa
La vos dël mal ch’a crija andrìnta ‘d mi.
Ti fame seurte Nosgnor da l’onda nèira
Che ‘l mond a l’ha mugià dantorn a mi.
Ti it ses ël sol ch’anlùmina la sèira
E ch’am compagna ancontra a l’infinì.