Laudari piemontèis/Ël giurament ëd Sibaud

Da Wikisource.
Jump to navigation Jump to search

Artorn


Ël sarament ëd Sibaud[modifiché]

Laudari piemontèis Ël giurament ëd Sibaud
Sibaud a l'é na burgià ant l'àuta Val Pélis, andoa ij 900 valdèis ch'a l'ero tornà da l'esili an Svissera aprèss na longa marsa tra ij mont, a l'avìo fàit giurament ëd fidelità, prima a Dé e peui ubidiensa e lealtà antra lor, fra i soldà e j'ofissiaj. Costa làuda a l'é motobin cara 'dcò a ij valdèis d'ancheuj.

1. Alvé le man al cel!
A l’é sì che ij vòstr pare
l’han giurà ‘dnans a Dé
ëd mai tradì soa fé
e d’arfé neuv j’autar
an costi santuari
andoa lor da fòrt
l’han ancontrà la mòrt…
Dé del Sinaì,
Signor dij prim Cristian,
Dé dij Màrtir,
Dé dij nòstr Pare:
com Giacòb un di
‘t l’ha arportà ij tò fieuj
ai camp fiorì ereditari.
Nosgnor, lasne nen soj
sla stra segna da Ti:
combat ansema a noi
soldà fedej per Ti.

Coro

Valdèis, cost sacrament
l’han benedì ij nòstr pare
e ancora an costi di
dcò noi peul benedì...
Crijoma tuti, fòrt,
fratej, con le man gionte:
“Pres l’autar dël Signor
per La vita e La mòrt!”.

2. Alvé le man al cel
a l’é sì che ij vòstr pare
l’han giura dnans a Dé
ëd mai tradI soa fé...
Costi mont l’han sentü
soa vos crijé bin fòrt
“Voi l’eve vistne nasse
vëddreve nòstra mòrt”.
La patria l’é lì
dova ch’a-i e nòstr cheur...
per noi l’é sì
tra ste valade
dacant a costi autar
consacrà al Signor
ai pé dle tombe
dij nòstri Vej.
Marcioma an sie pianà
dij màrtir sotrà sì...
Nosgnor, Ti, mòrt për noi,
fane vive per Ti.

3. Alvé le man al cel!
A l’é sì che ij vòstr pare
l‘han giura dnans a Dé
ëd mai tradì soa fé...
Aussand torna j’autar
prima d’arfé ij fornéj
l’han artrovà soa vita
pront a la mòrt dij Vej.
Restoma tuti unì
dantorn a costi autar
ch’a guerneran
ij nòstri vilagi.
Splenda l’antica lus
con ij sò ragg etern
an sle nòstre rochere antiche.
Noi giuroma ‘d resté
fedej a la toa fé...
resta con noi, Signor,
noi restroma an Tò amor...