La Bibia piemontèisa/Testament Vej/Salm/Salm 93

←Salm 92

La Bibia piemontèisa Ij Salm

Salm 94→

Ij Salm

La Bìbia piemontèisa - Salm 093

93. Nosgnor a regna. La majestà a l’é soa vestimenta

Ël salmista a fortiss che Nosgnor a l’é ‘l Rè dl’Univers, ch’a guarda ch’a-i sìa órdin e ch’a dësbela ant ël mond le fòrse dla dëstrussion.

¹Nosgnor a régna. La majestà a l’é soa vestimenta. Vera, Nosgnor as vest ëd majestà e soa coreja a l’é la fòrsa^[1]. Ël mond a resta frem e a podrà pa esse socrolà. ²Tò tròno, Nosgnor, a l’é stàit frem dai temp ij pì lontan. Ti ‘t saras sèmper Rè. ³Nosgnor! J’onde a brajo, a brajo e a fan rabel. ⁴Dzora dël rabel dj’aque e dj’onde potente dël mar, contut, Nosgnor as në stà majestos astà an sò tròno. ⁵Ij tò decret reaj^[2] a peudo pa esse modificà. La santità a soagna, coma ch’a l’é giust, toa ca, Nosgnor, për sèmper.

Nòte

1. La fòrsa a l'é paragonà ambelessì a na corèja, na sëntura ch'as pòrta për sosten-e la vestimenta (o as dirìa ancheuj le braje). La potensa dël Signor a sosten sò govern.
2. Lét. "Toe testimonianse".