La Bibia piemontèisa/Testament Vej/Salm/Salm 148
Salm[modifiché]
148. Laudé Nosgnor! Laudé Nosgnor dai cej![modifiché]
- Ël Salmista a ciama tuta la creassion a laudé Nosgnor përchè chiel a l'é 'l sovran Rè dël mond.
1Laudé Nosgnor! Laudé Nosgnor dai cej! Laudelo ant j'autësse dël cel! 2Laudelo, àngej tuti! Laudelo, armeje tute dël cel! 3Laudelo, lun-a e sol, voi tute stèile lusente! 4Laudelo, cej dij cej! Laudelo, aque ch'a stan dzora dle nivole! 5Che tute le còse creà a dago làuda a Nosgnor, përch' a l'ha dàit un comand e lor a son ëvnùe a l'esistensa. 6A l'ha fàje për duré e a-i saran për sèmper, ant l'eternità. Sò decret a sarà pa arvocà. 7Laudé Nosgnor da la tèra, creature dël profondeur dij mar; 8feu e tempesta, fiòca e nìvole, vent ëd tempesta ch'a ubidìss ai sò órdin; 9montagne e tute le colin-e, èrbo da fruta e tùit ij sitron; 10bestie sarvaje e animaj doméstich, serpent ch'as rabasto e osej ch'a volo; 11ij rè dla tèra e tute le gent, ij prinsi e ij giudes dla tèra; 12giovnòt e fije, ansian e masnà. 13Che tuti a làudo 'l nòm ëd Nosgnor, përché sò nòm a l'é motobin àut. Soa glòria a tronègia[1] dzora dla tèra e 'l cel! 14Chiel a l'ha rendù fòrt sò pòpol, a l'ha onorà coj ch'a-j son fedej - ël pòpol d'Israel ch'a l'é davzin a chiel. Laudé Nosgnor!
Nòte[modifiché]
- ↑ O “dòmina”.