Salm

146. Aleluja! Làuda Nosgnor, ànima mia!

Ël Salmista a cissa ‘l pòpol ëd Nosgnor a nen fidesse 'd coj che an ësto mond a fan mostra d’avèj ëd podèj, ma mach an Nosgnor, ël giust Rè dë sto mond ch’a l’ha a cheur la sòrt ëd coj ch’a son ant lë bzògn.

¹Aleluja! Làuda Nosgnor, ànima mia! ²I laudrai Nosgnor për tuta la vita e fin-a con mè ùltim respir i cantrai ‘d làude a Nosgnor! ³Fid-te pa 'd coj che an ësto mond a l’han ëd podèj. Lor a peudo nen salvete. ⁴Cand ch’a rendo l’ànima, lor a artorno a la tèra, e tùit ij sò progèt a meuiro con lor. ⁵Pitòst, a son bonorous coj ch’a l’han ël Dé ‘d Giacòb coma sò agiùt e che soa speransa a stà an Nosgnor sò Dé. ⁶A l’é chiel ch’a l’ha fàit ël cel e la tèra, ël mar e tut lòn ch’a-i ëstà. Chiel a mantniss sempe soe promësse. ⁷Chiel a rend giustissia a coj ch’a son crasà e a dà da mangé a coj ch’a l’han fam. A l’é Nosgnor ch’a libera ij përzoné. ⁸A l’é Nosgnor ch’a deurb j’euj dij bòrgno. Nosgnor a fà sté sù an pé coj ch’a son cargà ‘d fardèj^[1]. Nosgnor a-i veul bin a coj ch’a son giust. ⁹Nosgnor a goerna ij forësté ch’a stan an tra ‘d noi. Chiel a goerna j’orfanin e le vidoe, ma a rend inùtij ij pian dij malfasent^[2]. ¹⁰Nosgnor a regna për sèmper. Chiel a l’é ‘l tò Dé, Gerusalem, pr’ ij sécoj dij sécoj. Aleluja!

Nòte

↑ O "dëscoragià", cfr. Salm 57:6.
↑ Cfr. Proverbi 4:19; Geremìa 12:1.

[1] O "dëscoragià", cfr. Salm 57:6.

[2] Cfr. Proverbi 4:19; Geremìa 12:1.

[1]

[2]