La Bibia piemontèisa
Ij Salm)

Salm[modifiché]

La Bìbia piemontèisa - Salm 125

125. Coj ch'as fido ‘d Nosgnor[modifiché]

Lë scritor a fortiss soa fiusa 'nt la protession e la giustissia 'd Nosgnor.

¹Càntich ëd pelerinagi. Coj ch'as fido ‘d Nosgnor a son tanme 'l mont Sion, ch'a peul nen esse dësbogià e ch'a l'é fiss e frem për sèmper. ²Pròpi coma le montagne a stan tut d'antorn a Gerusalem, parèj Nosgnor a stà tut d'antorn a soa gent për guernela ora e për tùit ij sécoj. ³Ij nemis ëd Nosgnor^[1] a podran nen ampon-e soa dominassion an sla tèra santa^[2], përchè antlora ij giust a podrìo esse tentà 'd fé 'l mal. ⁴Nosgnor! Fà dël bin ai binfasent e a j'onest, ⁵ma bandiss coj ch'a viro për andé ant un senté sbalià. Nosgnor! Màndje via ansema a tùit ij malfasent. Sia la pas a Israel!

Nòte[modifiché]

↑ Let. "La cavija (regal) dij malign".
↑ O "la tèra che Nosgnor a l'ha dàita an ardità a sò pòpol".

[1] Let. "La cavija (regal) dij malign".

[2] O "la tèra che Nosgnor a l'ha dàita an ardità a sò pòpol".

[1]

[2]