La Bibia piemontèisa
Salm

Ij Salm

La Bìbia piemontèisa - Salm 121

121. I àusso j’euj a le montagne

Sto salm a fortiss che Nosgnor a l’ha pijasse l’angagg ëd guerné sò pòpol e ch’i l’oma da avèj gnun-a tëmma che un di chiel a chitrà ‘d félo për na rason qualsëssìa..

¹Càntich për ël pelerinagi. I àusso j’euj a le montagne: da andova am ëvnirà l’agiùt? ²L’agiùt am ëvnirà da Nosgnor, col ch’a l’ha fàit ël cel e la tèra. ³Chiel a lasserà pa ch’ij tò pé as antrapo; col ch’at guerna as ardurmirà pa. ⁴Vera, a capitrà mai che col ch’a guerna Israel as andurmissa. ⁵Nosgnor at guerna, Nosgnor a l’é tanme l’ombra ch’at ëstà sèmper dacant. ⁶A l’é për lòn ch’at farà gnun mal ël sol dël di, nì la lun-a ‘d neuit. ⁷Nosgnor at guernerà dal mal ch’a podrìa ciapete damentre ch’it vas e ch’it ven-e, ora e për sèmper^[1].

Nòte

↑ O “tùit ij sécoj”.

[1] O “tùit ij sécoj”.

[1]