La Bibia piemontèisa/Testament Vej/Genesi/Genesi 36
36
[modifiché]Fomne e fieuj d’Esaù an Canan
[modifiché]1Costa-sì a l’é la dissendensa d’Esaù, conossù con ël nòm d’Edom. 2Esaù a l’era pijasse soe fomne an tra le fije dij Cananita[1]: Ada, la fija d’Elon l’Hitita, Ocolibama, la fija d’Ana, fieul ëd Zibeon l’Evita; 3Basmat, la fija d’Ismael e la seure ëd Nebaiot[2]. 4Ada a l'era la mare d’Elifas; Basmat ëd Reuel; 5Ocolibama a l’ha daje Ieus, Ialam e Cora. Costi-sì a son ij fieuj d’Esaù, ch’a son nassuje ant ël pais ëd Canan.
Migrassion d’Esaù
[modifiché]6Esaù a l’ha pijà soe fomne, ij sò fieuj e soe fije, tuta la gent ëd soa famija, soe bestie, tùit ij sò strop e tùit ij sò beni ch’a l’avìa catà ant ël pais ëd Canan, e a l’é partì për ël pais ëd Seir, lontan da sò frel Giacòb. 7An efet, a l’avìo tròpa ròba për ësté ansema e ‘l pais andova ch’a stasìo a podìa nen basteje për motiv ëd le tante bestie ch'a l'avìo. 8A l’é parèj che Esaù, conossù con ël nòm d’Edom, a l’é stabilisse an sij mont ëd Seir.
Dissendensa d’Esaù an Seir
[modifiché]9Costa-sì a l’é la dissendensa d’Esaù, pare d’Edom, ch’a stasìo an sij mont ëd Seir. 10Ij fieuj d’Esaù a j'ero: Elifas, ël fieul d’Ada, fomna d’Esaù, e Reuel, fieul ëd Basmat, fomna d’Esaù. 11Ij fieuj d’Elifas a l'ero: Teman, Omar, Zefo, Gatam, Chenas. 12Elifas, fieul d’Esaù, a l’avìa për concubin-a Timna, e chila a l’ha daje n’àutr fieul, Amalech. Coj-li a son ij fieuj d’Ada, fomna d’Esaù. 13Costi-sì, nopà, a son ij fieuj ëd Reuel: Nacat, Zerach, Sama, Misa. Costi-sì a son ij fieuj ëd Basmat, fomna d’Esaù. 14Costi-sì a j'ero ij fieuj d’Ocolibama, fomna d’Esaù, fija d’Ana, fieul ëd Zibeon: Ieus, Ialam, e Cora.
Ij cap d’Edom
[modifiché]15Costi-sì a son ij cap ëd tribù dij dissendent d’Esaù e ‘d soa fomna Asa, ij fieuj d’Elifas, prim-nassù d’Esaù: ij cap ëd tribù Teman, Omar, Zefo, Chenas, 16Gatam, Amalech. Costi-sì a son ij cap ëd tribù d’Elifas ant ël pais d’Edom, ij fieuj d’Ada. 17Ij cap ëd tribù Nat, Zerach, Sama, Misa, ch’a vivìo ant ël pais d’Edom, a j’ero ij fieuj ëd Reuel, ch’a l’ero novod ‘d Basmat, fomna d’Esaù. 18Ij cap ëd tribù Ieus, Ialam, e Cora a j’ero ij fieuj d’Esaù e ‘d soa fomna Ocolibama, fija d’Ana.
19Tuti sti-sì a son ij cap ëd tribù dissendent d’Esaù, conossù con ël nòm d’Edom. 20Ij prim abitant dël pais d’Edom a l’ero ij dissendent ëd Seir, l’Orita. 21Ij cap ëd tribù dj’Orita a j’ero: Lotan, Sobal, Zibeon, Ana, Dison, Eser, e Disan. Eser e Disan, fieuj ëd Seir. 22Ij fieuj ëd Lotan a j'ero Ori e Eman, e la seure ëd Lotan a l’era Timna. 23Ij fieuj ëd Sobal a j'ero Alvan, Manacat, Ebal, Sefo e Onam. 24Costi-sì a son ij fieuj ëd Zibeon: Aia e Ana; a l’é cost Ana ch’a l’ha trovà j’eve càude ant ël desert an portand an pastura j’aso ‘d sò pare Zibeon. 25Ij fieuj d’Ana a son Dison e Ocolibama fija d’Ana. 26Costi-sì a son ij fieuj ëd Dison: Emdam, Esbam, Itran, e Cheran. 27Ij fieuj d’Eser a son: Bilan, Zavan, e Acan. 28Costi-sì a son ij fieuj ëd Disan: Us e Aran.
29Donch, ij cap ëd le tribù dj’Orita ant ël teritori ‘d Seir a j’ero: 30Lotan, Sobal, Zibeon, Ana, Dison, Eser, Disan.
Ij rè d’Edom
[modifiché]31Costi-sì a son ij rè ch’a l’han sucedusse ant ël pais d’Edom anans ch’a-i fusso ‘d rè an Israel. 32Bela, fieul ëd Beor, dla sità ‘d Dinaba. 33Bela a l’é peui mòrt e a sò pòst a l’ha regnà Iobab, fieul ëd Zerach ëd Bosra. 34Iobab a l’é mòrt e a sò pòst a l’ha regnà Usam dël pais dij Temanita. 35Usam a l’é mòrt e a sò pòst a l’ha regnà Adad, fieul ëd Bedad, ch’a l’ha butà an derota ij Madianita ant ij camp ëd Moab, e soa sità as ciama Avit. 36Adad a l’é mòrt e a sò pòst a l’ha regnà Samla, ëd Maresca. 37Samla a l’é mòrt e a sò pòst a l’ha regnà Saul ëd Recobot-Nar. 38Saul a l’é mòrt e a sò pòst a l’ha regnà Baal-Canan, fieul d’Acbor. 39Baal-Canan, fieul d’Acbor a l’é mòrt e a sò pòst a l’ha regnà Adad; soa sità as ciama Pau; soa fomna as ciamava Metabel, fija ‘d Matred, ëd Me-Zab.
Ancora ij cap d’Edom
[modifiché]40Costi-sì a son ij nòm ëd le tribù dissendent d’Esaù con ij nòm dle soe famije e ij sò pòst: Timna, Alva, Ietet, 41Olibama, Ela, Pinon. 42Chenas, Teman, Mibsar, 43Magdiel e Iram. Coste-sì a son le tribù edomita e le region anté ch’a stasìo ant ij pais ch’a j’ero ‘d soa proprietà.
As vëdd parèj che Esaù a l’é l’antich dj’Edomita.