Artorn

Introdussion

Ël lìber ëd Baruch, che ant le bìbie catòliche roman-e a l'é butà giusta apress Geremìa, a l'é atribuì a Baruch, lë scriba fedel e colaborator dël profeta Geremìa. Soa composission a l'é datà a 'n perìod ch'a ven dòp dël esili an Babilònia (Sest o quint sécol a. C.) ant l'ambient giudàich d'Alessandria d'Egit. A conten quatr part ëd géner divers: (1) Introdussion ëstòrica; (2) Orassion penitensial; (3) Meditassion an sla Sapiensa; (4) Esortassion e consolassion ëd Gerusalem. Sò but a l'é col d'esorté 'l pòpol d'Israel a arconòsse soe colpe, arpentisse e fidesse a Nosgnor, che mai a chita Sò pòpol. Ant ël midem temp, ël test a smon ësperansa e consolassion, an proclamand la restaurassion dël templ ëd Gerusalem e l'arnovament ëd l'Aleansa, Ël liber ëd Baruch a l'é na testimoniansa dla vitalitù dla fede giudàica ant l'esili e ant ël period apress dl'esili, cand ël pòpol d'Israel a sërcava 'd risponde as la dësfida dla dispersion e dla pérdita dël templi, Për la Gesia, cost lìber a l'ha 'n valor ëspiritual ch'a 'rmarca 'd tema coma la misericòrdia 'd Nosgnor, ël pentiment e la fidelità a la Lege 'd Dé.