La Bibia piemontèisa
Ij lìber dle Crònache

1 Crònache

La Bìbia piemontèisa - 1 Crònache 04

4

Sconda lista dij dissendent ëd Giuda

¹Fieuj ëd Giuda: Peres, Chesron, Carmi, Cur e Sobal. ²Reaia, fieul ëd Sobal, a l'ha generà Iacat; Iacat a l'ha generà Acumài e Laad. Coste-sì a son le famije dij Soreatita.

³Isrel, Isma e Idbas a l’han dàit origin a la populassion d’Etam. Soa seure as ciamava Aslelponì. ⁴Penuel a l'é pare 'd Ghedor; Eser a l'é pare'd Cusa. Costi-sì a son ij fieuj ëd Cur, ël prim nà d' Efrata, fondator ëd Betlem. ⁵Ascur, fondator ëd Tecoa, a l'avìa doe fomne: Chelea e Narà. ⁶Narà a l'ha partorije Acusàm, Chefer, ël Temanita e l'Acastarita; costi-sì a l'ero ij fieuj ëd Nara. ⁷Fieuj ëd Chelea: Seret, Socar, Etnan e Cos. ⁸Cos a l'ha generà Anub, Assobebà e le famije d' Acarchèl, fieul d'Arum. ⁹Iabes a l'era 'l pì onorà dij sò frej ; soa mare l'avia ciamalo Iabes përché a disìa: «Mi i l'hai partorilo con dolor». ¹⁰Iabes a l'ha anvocà 'l Dé d'Israel an disend: «Se ti mach t'im benedisèisse e të slarghèisse mie borne e toa man a fussa con mi e se t'im guernèisse leugn dal mal ëd manera che i l'abia pa da seufre!». Dé a l'ha conceduje lòn ch'a l'avìa ciamà.

¹¹Chelub, frel ëd Suca, a l'ha generà Mechir, ch'a l'é pare d' Eston. ¹²Eston a l'ha generà Bet-Rafa, Paseach e Techinà, fondator dla sità d' Ir-Nacas. Costi-sì a son j'òm ëd Reca. ¹³Fieuj ëd Chenas: Otniel e Seraia; fieuj d' Otniel: Catat e Meonotai. ¹⁴Meonotai a l'ha generà Ofra; Seraia : Ioab, pare 'd coj ch'a stan ant la comba dj' Artesan, përché a l'ero d’artesan. ¹⁵Fieuj ëd Caleb, fieul ëd Iefune: Ir, Ela e Nam. Fieuj d' Ela: Chenas. ¹⁶Fieuj ëd Iealelel: Zif, Zifa, Tirià e Asarel. ¹⁷Fieuj d' Esdra: Jeter, Mered, Efer e Ialon. La fomna 'd Mered a l'ha concepì Miriam, Samai e Isbach, pare d' Estemoa. ¹⁸N'àutra soa fomna, na giudea, a l'ha generaje Iered, fondator ëd Ghedor, Cheber, fondator ëd Soco, e Iecutièl, fondator ëd Zanoach. Costi-sì a son ij fieuj ëd Bitià, fija dël Faraon, che Mered a l'avia marià. ¹⁹Fieuj dla fomna d' Odia, seure ëd Nacam, pare 'd Cheila ël Garmita e d'Estemoa 'l Macatita. ²⁰Fieuj ëd Simon: Amon, Rina, Ben-Canan e Tilon. Fieuj d' Isì: Zochet e Ben-Zochet. ²¹Fieuj ëd Sela, fieul ëd Giuda: Er, fondator ëd Leca, Lada, fondator ëd Maresa, e le famije 'd coj ch'a travajo stòfe 'd lin fin a Bet-Asbèa, ²²Iochim, la gent ëd Cosebà, Joas e Saraf, ch'a l'avìo dominà an Moab e peui a son tornà a Betlem. Ma a l'é stòria motobin veja. ²³A l'ero tupiné e a stasìo a Netaim e a Ghedera; a l'avìo la ca ambelelà con ël rè, a sò servissi.

Ij dissendent ëd Simeon

²⁴Fieuj ëd Simeon: Nemuel, Iamin, Iarib, Zerach, Saul, ²⁵peui Salum, peui Mibsam, peui Misma. ²⁶Fieuj ëd Misma: Camuèl, peui Zacur, peui Simei. ²⁷Simei a l'avia sëddes fieuj e ses fije, ma ij sò frej a l'han pa avù vàire fieuj: tute soe famije a son nen staite numerose parej dla nassion ëd Giuda. ²⁸A son andait a sté a Bersabéa, a Molada, a Casar-Sual, ²⁹a Bila, a Esem, a Tolad, ³⁰a Betuel, a Corma, a Siclagh, ³¹a Bet-Marcabot, a Casar-Susìm, a Bet-Birì e a Saraim. Coste-sì a l'ero soe sità fin-a al temp che David a l'é stait rè. ³²Sò pais a l'ero Etam, Ain, Rimon, Tochen e Asan: sinch sità. ³³e tùit ij pais che as trovavo d'antorn a coste sità fin-a a Baal^[1].

Coste-sì a l' ero soe ca e costi-sì ij nòm dle famije ant ij regìster: ³⁴Mesobàb, Iamlech, Iosa, fieul d' Amasia. ³⁵Gioel, Ieu, fieul di Iosibia, fieul ëd Seraia, fieul d' Asiel, ³⁶Elioenài, Iacòba, Iesocaià, Asaia, Adièl, Iesimièl, Benaia, ³⁷Zisa, fieul ëd Sifì, fieul d'Alon, fieul ëd Jedaia, fieul ëd Simrì, fieul ëd Semaia: ³⁸costi-sì, nominà për nòm, a l'ero cap ëd soe famije; e le ca dij grand a son ëspantiasse motobin. ³⁹A l'ero andàit anvers dl'intrada da la part ëd Ghedor fin-a a levant ëd la comba për sbergiairé sò strop. ⁴⁰A l'han trovà 'd pasture drùe e grasse e un pais ëslargà, flòrid e pasi përchè anans a l'ero staje ij bérber dissendent ëd Cam. ⁴¹Ma j'òm iscrivù për sò nòm, al temp d'Esechia, rè ‘d Giuda, a l'han daje 'l gir a le tende dij Maonita, ch’a stasìo ambelelà; a l'han dësblaje a la manera dl'antërdission, fin-a 'l di d'ancheuj e a son ëstabilisse a sò pòst përchè ij leu a l'ero 'd bon-a pastura për le feje. ⁴²E sinch-sent òm an tra 'd lor, ëd la rassa 'd Simeon a son andait a sté an sle montagne 'd Seir e lor a l'avìo për cap Pelatìa, Nearia, Refaià e Usiel, fieuj d'Isì. ⁴³A l'han ësterminà ij dzorvivù dj'Amalecita e a stan ambelelà dcò al di d'ancheuj.

Nòte

↑ 4:28-33 cfr. Giosuè 19:2-8.

[1] 4:28-33 cfr. Giosuè 19:2-8.

[1]