La Bibia piemontèisa/Testament Vej/Abdìa/Introdussion
Introdussion
[modifiché]Ël pcit lìber dël profeta Abdìa a peul colochesse ant n'época posterior al 587 a. C., la data dla croa e dëstrussion ëd Gerusalem. Abdìa a proclama 'l giudissi 'd Dé an sù Edom, na nassion avzin-a al regn ëd Giuda, a sud-est dël Mar Mòrt. Scond le tradission bìbliche, Edom a l'era 'l nòm d'Esaù, frel ëd Giacòb. A l'era donca na nassion gropà a Israel da vincol ëd sangh. Malgré lolì, Edom a l'avìa arlegrasse për la croa 'd Gerusalem e a l'avìa giutà j'invasor an fasend ravagi e carnagi.
Abdìa a nunsia a j'Israelita che Edom a l'é press a esse castijà për sò tradiment. Nosgnor a dëstruerà la potensa dj'Edomita e la sapiensa ch'as në fasìo blaga. Dé, an efet, a l'é 'l Signor ëd le nassion e chiel a manifesta soa autorità dcò an sù lor. Ëdcò lor a saran giudicà da Nosgnor. A l'é parèj che j'Israelita a podran torness-ne an soa tèra 'd lor aclamand ël Signor coma sò rè.
Schema
- La ruin-a d'Edom - 1-14
- Ël giudissi contra le nassion e la vitòria d'Israel - 15-21