Elisa Vanoni Castagneri/L'arsigneul a canta
L'arsigneul a canta[modifiché]
L’arssigneul ant la boschina
tacà al ni, canta d’amor:
la vos frësca, dossa, sclina
a dësvìa tute le fior.
L’è cascaje na steilina
tra le reuse tute an fior,
per scoté da la boschina
l’arssigneul canté d’amor.
E ant la neuit tëbbìa, azurina,
piena ’d calma e dë splendor,
dël sò cheur a dìs l’amor,
l’arssigneul da la boschina.
Da Armanach piemontèis për ël 1933.