Carlottina Rocco/Stich-bërlich

Artorn

---

Stich-bërlich

Quand ch’ai son-a mesaneuit,
ven-o sù dal fond dla bassa,
brute strije sensa deuit
a caval d’una ramassa.
’Nt la boschin-a scura, scura,
as na van, tron-tron, tron-tron,
su e giù ch’a fan paura
a balé sò rigodon.

Ma se ’l ciàir comensa alvesse,
dòp ’l prim chicchirichì,
chissà andoa a van stërmesse,
ch’a j’è gnun ch’a-j vëdda ’d dì.
L’è mach pì a Stich-bërlich
sota l’ombra dle gasìe
che quaich vòlta a smija, gnich-gnich,
’d sente ’n po’ l’odor dle strije.

Da «An sla brova dël senté» 1933