Carlottina Rocco/Monighete

Artorn

---

Monighete

Mach na ciòca verss la seira
va ciamand le monighete
e soa vos l’è così ceira,
che ti ’t sente bsògn ’d fërmete.
Sota i pòrti a passo a passo
doe a doe tute an fila;
drinta ’l cheur coma ch’at lasso
una pena un po’ sutila.
As na van con le man gionte
monighete an procession,
as na van con le man gionte
monighete an orassion.
E la ciòca an verss la seira
a spatara ’l so din din,
soa vosëtta s-clin-a e ciàira
a së slarga pian pianin.

Da An sla brova dël senté 1933