Armand Motura/Chateu-Beulard

Da Wikisource.
Jump to navigation Jump to search

Artorn


Chateu-Beulard[modifiché]

Vsin a na cesa bianca e a un pòrti ombros
j’è un cioché gris. la cupola pontùa
së spòrz vers la montagna patanùa
dzora dij cop, ch’a son na macia ’d ross.

E antorn j’è ’l giaun dorà dle sèil madure
e j’ombre scure dij gran bòsch ëd pin,
e l’aqua ’d rì Sopir ch’aj passa vsin
e a bagna ’l verd ëd j’òrt e dle pasture.

Ant sa valëtta riparà dal vent
tut l’è rijent, e ste casòte cite,
ch’a l’han vist ël destin ëd tante vite,

l’han ’d face oneste come la soa gent.
Sì, ’t sente mach na mùsica ’d fontan-e
e ’l zonzoné dla vita e dël travaj;
sì, a sudo ansema j’òmo e j’animai;

e le vos dël grand mond son tant lontan-e.
d sa gran copa corma ’d blëssa eterna,
con toa montagna ch’at dà vita e at guerna,
Château-Beaulard, ò cit canton dël mond!

Da «Paisagi ’d Val Susa» 1949