Armand Motura/A mè amis Bertolòt

Da Wikisource.
Jump to navigation Jump to search

Artorn


A mè amis Bertolòt[modifiché]

Amis, ’t i-i pense ?!... Vive a cole autësse
’ndove gnanca j’osej fan nen ël ni
’ndove ij colp ëd tormenta a son carësse
e giù ’nt la pian-a ritorné mai pì!
Posé su cole fiòche bërlusente
lë sguard ch’a sà pì nen lòn ch’a veul dì
’l tràfich dla gran sità e le lamente
dj’òmini trafigon e mal nutrì.
Vive për la canson d’una sorgiss
për ij rifless cangiant dël gran giassé
për ël rifugio ch’a l’è sempre amis.
Peudej guardé lontan, peudej sugné
’t lo sas dcò ti lòn ch’a veul dì, amis,
come ‘n mes cole ponte as peul canté!