Walter Curreli/Uciaj reusa

Uciaj reusa

Guardé dal përtus
ëd la seradura dle veuje
con j'ociaj reusa dla fiusa
as vëd mach ël bel
ij desideri colorà
còsa it vorie esse
còsa it vorìe fé.
Esse padron dël mond
fé porté a j'àutri
'l badò
comandé la vita.
J'uciaj reusa dla fiusa
a lasso nen s-ciairé
le monede 'd pel d'òmo
pagà për ël progress.
Ël temp a peul pì nen
anciodé sl'erbo dla fantasìa
ij seugn ch'a lo giuto a vive.