Vittorio Alfieri/Scond Sonèt

Scond Sonèt

Roma, Giugn 1783

S'l'é mi ch'son d'fer o j'italian 'd potija
l'era pa 'n dubi mai ch'a dvèissa andé
(com i sento purtròp ch'ven d'arivé)
a ferì ij Piemontèis pi an là dl'orija.
L'é un mè dubièt, an soma, e as deuv nen pijé
për voi pì ch'për l'Italia quanta a sia.

E peui, d'un pòvr autor a la babìa,
com a la vòstra, sfògh bzògna ben dé.
Mè sonetass, pòst ch'a va comentà
parlava an general e solament
a coj ch'han, pì che 'l cheur, l'orija dlicà.

Direu, s'a veulo vnì a 'n comodament,
ch'ni lor 'd potija ni 'd fer mi son mai stà:
o mi 'd fer doss, lor 'd pàuta consistent.