Vincenzo Minichielli/Veciaja

Artorn

---

Veciaja

Da la matin-a a la sèira
sol drinta ’d ca
i speto quajdun
ch’am ven-a a trové.

Passo le giornà
daré dla fnestra
con cola speransa
che ògni sèira a meuir.

Sota ’nt la stra
la gent a marcia ’n pressa,
an dà nen da ment a ’n vej
ch’a l’ha pì gnente da dé.

I penso a la giovnëssa
con gòj e tristëssa,
ai mè di alégher
e a le soferense patìe.

I guardo ’l cel
con aria straca,
i diso a nòstr Sgnor:
it ven-e nen a pijeme?