Vinèis Minòt/Anel d'òr tesòr d'arcansiel

Da Wikisource.
Jump to navigation Jump to search

Artorn


Anel d'òr tesòr d'arcansiel[modifiché]

Dedicà a Madama Franca për ij sò prim 100ani - Na legenda a conta che, s'it ses bon a rivé andova a finiss n'arcansiel, bele là it troveras un tesòr.

Bele là al prim pian na testa d'argent
con deuit d'antan a spòsta ridolin-a,
gòj anvisca bërlus d'euj da totin-a.
Sospira, man sël cheur, l'é doss ël moment...

Pra e brich archincà da Monsù Istà:
spatuss ëd boton tra erbe e sarzèt
e ross coclicò e viòle e bluèt.
Sotfond: grij e siale dan concert dlicà.

Cavèj gris son frange 'd vesta gitan-a
ch'a viv al son dna ghitara lontan-a.
Franca, còtia masnà an fàuda 'd mama,

scanucia nivle, tra feuje 'd na rama,
arbat d'arcansiel ch'a stërma tesòr
dij dé sarvan: "Sent Ani" scrit sn'anel d'òr.