Valerio Rollone/La banda giusta
La banda giusta[modifiché]
A toiré ’l sangh as dà l’amer al cheur,
co’l mal vorèj ël mond a s’anvelen-a.
An tuti ’l bon e ’l gram, la banda giusta
a l’é mach sempe cola dël përdon.
Vestì ’l ghignon da pas lo fà nen meuire,
as dev massess-lo andrinta con l’amor,
chitelo ’l mal ëd jer, lasselo sté
ant ël passà lontan ëd la memòria,
ch’i l’hai capì ch’an mostra ’d pì l’avnì
quand ch’a l’é bon a aussé lë sguard al Cel.
E peui basta paròle, ch’as dev tase
për gustesse an silensi soa Vos.