Tòni Rolon/Sogn ëd na neucc ëd mes istà

Artorn

---

Soegn ëd na neucc ëd mes istà

Sara cola frità con tropi sioli
o 'l bicer d'eva zla para zu 'n pressa
për dësmortà ,la sèi e 'l caud sassin,
so mach che adess mi i l 'ho la boca mèra.
A sarà pa, pitòst, col sogn cain
'cmensà 'nt l'amel e peu livrà 'nt l'afel?

Mi ij'era 'nt la vërnera con na mata
(na pel ëd persi e 'n bel bochin d'amor)
ch'am soridiva furba e 'n pò sfaciaja:
o mati! 'me ch'as peul nen strafognala?

Quand cëlla a l 'ha sporzimi 'l bel cerin
anvisch dal feu baloss dël desideri,
l'ho serca 'd mordla, anveci sensa dencc
(la neucc a ciapo 'l fresch ant un bicer)
i l'ho fornì per faji mach gatij!

(Luj 1987)