Tòni Rolon/Pieuva

Da Wikisource.
Jump to navigation Jump to search

Artorn


Pieuva[modifiché]

Tòni Rolon - Pieuva

A pieuv, tan'me 'n col di che Cin, l'avzin,
martlava ben la ranza 'n co dël simp
a sosta dla bajëtta, dgiori 'l bion
dël midem bòsch dij sò ciabò pu vecc.

As sent pu nen ël son amis dël fer
ch'a lë prontava 'l fer për ël masengh:
'n su stemi a-i e pu nent e lë fnareu
a serv pu nen la stala sensa breugg.

Arpòso j'òss dël Cin a Stant'Andrea:
ij mati a van an fàbrica con j'òmo
e 'n cambi 'd bon-a tera a l'han n'alògg
ant un palass dla lèja con termo e bagn.

La ca dij grand a marsa sota 'l tecc
laurà da tancc orissi, e pieuve, e fiòca:
lë strarivent a fa la rela ai mur
e a svanta vegia ciapa 'n pòch rusià
dë dnans al përtus nèir del gatareu.

(Avril 1986)