Tòni Bodrìe/Nassion piemontèisa
…I l’hai ciairì che s’ëstat-sì a l’é pa nassional, ma fàit ëd vàire nassion, a comensé da la Nassion Piamontèisa, ch’a l’é, i l’hai dit, “francòfona”, përchè-che noe i l’oma vardà l’antica përnonsia (…) sia la gramaja che ‘l vocabolari a son na fondùa dë ‘l doe lenghe romanze ‘d Fransa: cola d’òil e cola d’òc. (…) Visoma che l’unificassion violenta dl’Almagna e dl’ “italia” a l’é stàita la càusa prënsipala dla prima e dla scolda guèra mondiala, ch’a l’ha portane a la bomba atòmica. Visoma che dël 1857 ij Piamontèis a l’han votà contra la polìtica guerajeula e “suicida” ‘d Cavour. E nòsta lenga piamontèisa a l’é ‘l fransèis antich, col ëd Carlo Magn, ch’a l’ha franchisà nòst Piamont e a peul esse ciamà ‘l pare, ‘l fondador dla Nassion Piamontèisa. Àutr che “galloromanzi”! Franch-romanz i soma, dissendent ëd coj Franch cristian ch’a l’han salvà l’Oropa dai Sarasin; an gnanca sent agn neusti grand a l’han faje core da nòss Piamont, non-pa che j’ëspagneuj a l’han butaje pì ‘d set sécoj. L’Abahìa a duvrìa esse nòsta festa nassionala piamontèisa. Për nòss maleur, për ëvnì rè d’ “italia” ij Savòja a l’han amponune la lenga toscan-a, vnùa peui ël tajacan; e pa për Dante e Petrarca, ma për ël fiorin fiorentin, përchè-che la Toscan-a a l’era la valba pì rica dla penìsola…
Tòni Bàud-rìe (1921-1999 | Assion Piemontèisa, 15.10.1996)