Lerme 'd sangh[modifiché]

Lerme ’d sangh, pen ëd sangh
dla Madòna, ’d Nosgnor a stisso da’l mistà.
An Tèra santa a dagno...
l’euli, na gran meisin-a,
pas sël mar an tëmpesta;
cros dëslibranta as fà an sla front andiavlaja.
Fomse sa cros an front. Euli dl’ontura it salve,
da la mòrt beusa o grama che l’infern a sbalansa.
I l’oma dësmentiate, ò Mòrt, àngel vijor,
Consiensa,10 tramò sot’ Assisi.
Miraco ch’a sia vèra ch’an agrevo ij miraco,
squasi coma la mòrt?
Ma pa a san Fransesch, Farnsesch a l’avìa dit al soldan:
«Un dij tò con mi a ’ndé ’nt ël feu;
col-lì ch’as brusa pa a preuva ’l Dé vivent».
Cost a l’é ’l teta-teto cristian.
Miraco ch’a sia vèra ch’an agrevo ij miraco?
A l’han findi proibite, pòvra, santa,
Ildegarda, dla Gesia Bela Garda,
’d fé ’d miraco ’ns toa tomba,
për pa siolé ’l silensi bisodiant dël convent.
A l’han ’cò falo a ti, luserna dla Cërtosa,
beà Tòni LeCoq, fiorensa ’d nòs’ Piamont.
Ma ij miraco Nosgnor a l’avìa comandaje.
An Tèra santa a ’rfudo nòs’ sacrament
batior ai Sarasin, ij mej, ch’a lo ciamo.
Proibì. A n’i-é pro dla batiaja zanzià,
San Disdé. Cola vera a ’nviscrìa
la S.A.L.I.G.I.A. sanglanta dël Mahdi, l’anticrist.

1) batiaja zanzià = An italian battesimo di desiderio