Sermon Subalpin/I. Sermo de decimis et primiciis

Da Wikisource.
Jump to navigation Jump to search

Artorn


Decimas debetis et primicias dare Deo, id est sacerdotibus et pauperibus. Quare autem invente sint primitie et decime, dicendum nobis est.

Les desmes et les primicies li Chrestien feel Deu devent doner a sainte Eglise e as preveires et pauperibus, e devez saver por quei e per quel auctorité furent trovees.

Tut premerement que Deus feist nule creature, sì fist dez ordines d'angeles. Or aven que per orgoil si chaì lo desen orden de cel. Or Deus en lò de l'angel si mist homen. Tant fist lo mal angel per son engeig que el fei pecar homen e qu'el refù gitez de paradis e de la gloria dunt el era chait per superbia.

Adunc Adam, lo nostre premer pare, per son pechà fo mes en aquest eisil. Or tota via li comandò Deus que el del so aan e del son lavor recognoisés lo son criator, qui l'avea crià del limun de la terra. E d'aquì ena[n]z comenzò a engenerer enfanz; e lo sevol comencé a creiser.

Or Adam si of doi faint: l'un ot num Caim e l'autre Abel. Caim fo lavoraor de terra e Abel so frare fo pastor de fees e d'autre bestie. Or Caim del so lavor ofrìa a Deu de les plus croe gerbes que el avea e d'aqueles fasea son sacrifici a Deu. Or devez saver en quel guisa il sacrificaven a Deu. Il avean fait un alter de terra e si metean sore leigna asai; e sore la leigna metean lur des e lor offerendes e lor primicies, o fos de besties o fos de fruit. E si lo fous venea de cel e el ardea, adun saveien que Deus avea receù lor sacrifici; e si lo fos no venea, saveient que Deus no n'avea cura.

Or Caim si era lare e bosare, e sì ofrìa a Deu del plus croi lavor qu'el avea. E Deus no n'avea cura, per zo qu'el era fel e bosare. So frare Abel prendea deil plus bels agnels et moltons que el avea e sì los ofrìa e sì en donava lo desme dreitement. Or dit l'Escritura: Respexit Deus ad Abel et ad munera eius; ad Caim vero et ad munera illius non respexit. Iratusque est Caim nimis. Sì cum Deus li dist: Quare iratus es, et cur concidit facies tua? Nonne, si bene egeris, recipies; si autem male, statim in foribus peccatum aderit? Set sub te erit appetitus eius et tu dominaberis illius. Après sì li dist: Si recte offeras et non recte dividas, pecasti. Que est zo a dire? Si ben vols ofrir, dreitament deis partir, né retenir mìa la meillor partìa, né offrir la plus croia; que si tu zo fas, felonìa fas a tun escient.

Un autre isemple trovem anquor en l'Escritura de le desme. Quar zo cointe en un liber del Ver Testament, qui à num Genesis, de don Abraam lo patriarcha que, quant el se fo combatuz cum li cinque rei qui avean asalìa la cità ó Loth so frare estava, e el los ot vencuz, si doné desma e primicia e oferenda a don Melchisedech, qui era reis e prever de Dominidè. E qual ofrenda li ofrì? De pan e de vin.

Et lacob patriarcha fei eisament: quant el en andava in Mesopotamia Syrie a Laban so barba, e el vit un'escala qui teneit l'un co en cel, e vit los angel qui montavan e descendean, e zo vit en dormant, e quant el fo esveillà, sì dist: Terribilis est locus iste, et ego nesciebam. Après sì fist soa oratiun, e sì dist: Si Dominus Deus meus fuerit in via ista, qua ego ambulo, et custodierit me, decimas et hostias pacificas offeram in hoc loco. Or dit saint Ieronime que en aquel loc est ore lo Temple, ó Iacob vit l'escala.

E lo Papa e la Gleisa de Roma si comandé in Calcedonensi concilio que la desma fos en quatre pars devisa: la premera partìa fos de l'evesque, e la seunda de l'egleisa, la tercia deil prever, la quarta deil pover. E en la Veilla Lei comandé Deus: Decimas de cunctis frugibus terre referes ad sacerdotem.

Les primicies furent eisement trovees. Quar zo comandé Deus a Moysen: Omnia primogenita dabis sacerdoti et primicias frugum omnium que gignuntur in terra. Or tuit aquil qui dreitement des ne donent a sainte Ecclesia, e ail prever qui la servent, il aurant la malaitzun que Deus doné a Caim qui ocist so frare. E quel malaitzun? Maledicta terra in opere tuo, que aperuit os suum et sus[cepit] san[guinem] f[ratris] t[ui] de ma[nu] t[ua]. Malaeit seran e il e lor desmes e lor offerendes, car il las tolun e las emblen; e iran en la compaignia de Dathan e Abiron qui se revelerent contra Moysen e Aaron, e per zo los sorbì la terre: et descenderunt in infernum viventes; e seran adesmai ob lo mal angel qui chaì de cel, zo est lo deables.

E nos meés, si nos avìam sen né rason, o poirìam ben saver e veer. Nos gitem la semenza en t[e]rra. Or me dì: O' est l'espì e lo gran? Qui dona lo vent e la ploia e 'l soleil? Poez lo vos doner? Mia fé non. Qui cuidez vos qui fatza vostra semenza naiser e creiser? Vos creez ben que Deus o fai. Or perquè ne li donez dune la soa razun e zo que el à ordenà?

Or respont lo fol hom, e dit: «Si e' veìa Dominidè, munt volunters la li dereia». Or te mostrerai Dominedè que tu lo veràs. Or me dì: Creis tu zo que dit lo Vangeli? «Oel ben». Zo dit nostre Seignor en l'Evangeli: Quod uni ex minimis meis dedistis, mihi dedistis. Zo que vos donez al prever e al pover, a mei lo donez. Lo preve si est el lò e el setge de Deu; sì cum Deus dit per lo Salmiste: Ego dixi: dii estis et filii Excelsi omnes. E el meesme Christ sì dist: Qui vos recipit, me recipit, et qui vos spernit, me spernit. Or t'ài mostrà Dominedè, a cui tu dèis doner la desma e la primicia.

Or gart chascuns Chrestian, qui voi eser amì de Deu, que el dun ben desma senz felonìa, que el ne sea dampnà ob Caim, qui era bosar e malvas vers Deu, e que el poissa estre en la compaignìa d'Abel, qui fo lo premers martyr, que Caim so frare ocist per envìa, e que el sia en la compaignìa deil boin angels, qui non ceciderunt, set steterunt et permanserunt in bono. Quod ipse prestare dignetur, qui vivit et regnat.