Sergio Gondolo/Pijà për man

Artorn

---

Pijà për man...

Na cita stòria ‘mbajà ‘n mia ment,
a pijà sostansa an mës ai mè pensé.
Për la strà dël mond dij sentiment,
trovè amicissie generose a fà mal fé.

Drinta nòsta bela crica ‘d sognador ,
a-i mancava un timon, un ver riferiment.
Peui un bel di a l’é rivà, sensa clamor,
pien d’inissiativa, ardì, un përfet talent.

An mës a nòst sòlit rabel, capita ’d përde
la veuja ‘d sente le tante rason dël cheur.
La passion a l’é na gròssa fòrsa da spende,
e ij ver galatòm a pòrto sempe ‘d boneur.

Adess ricamà ’d boro le nòste espression
a san d’esse capìe e paternament mijorà.
Chiel a veul pa, a dis ch’a l’é nën soa mission.
“Ël magìster për carità, amis i seve fòra stra!”

Al contrari Magìster, la stra a l’é cola giusta!
Dël piemontèis onoroma la stòria e la grafìa,
ma dcò le sèire passà con ti, a parlè ‘d costa,
o cola poesìa , fina ch’a riva l’ora d’andé via.

Na còsa neuva, na stòria chërsùa sincera,
për stè bin ansem e amprende con fantasìa.
La crica ringrassia e stà a vardè core la sèira,
con ël piasì d’ avèj ël Magìster an companìa.

Oigres 2011