Sergio Gondolo/Ij passaròt

Artorn

---

Ij passaròt

Am pias vardé ’nt ël silensi dla matin,
col tòch ëd giardin pien ëd natura dlicà,
che dëspojà dij color brilant ëd l’istà
lassa la sena a coj cit passaròt balarin.

Dzora dël pra parèj dij gramissej dë vlu,
satì ’d bon umor e brodà d’emossion,
a girolo lest e svicc an mes ai busson,
sercand na brisa ’nt cost temp përdù.

Con bel deuit, linger mai soj për ël cel,
ij passaròt a son d’ambrass ëd grassia,
fiòch dë speransa drinta ’n mond novel.

Për n’àtim a van voland sël mè cheur,
da fianch an seugn neuv e pien ëd lus
che daré ’d na nìvola a va sërcand boneur