Sergio Gondolo/Aspirassion

Artorn

---

Aspirassion

Ën fàuda a j’aspirassion ëd la vita,
cola bela arputassion ëd faciada,
un pò për vòta a cambia sostansa.
Bele ’nt lë sconfòrt fate nen da part:
prim përchè minca d’un a l’ha un sò talent,
ant l’ancreus dël cheur, ant j’euj, ant la ment,

scond, përchè na creatura leala,
a l’ha sempe ’l rispet ëd cola dita
portatriss dë speransa e prospetiva.
Daje pa da ment a cost mond ch’a sospira,
sensa seugn l’avnì a scapa via dëspaisà,
arziga matòt, chi a l’é ch’a l’ha mai sbalià?