Sergio Gondolo/A fiòca sle pòbie

Artorn

---

A fiòca sle pòbie

Un bel baron ëd valòsche slansà
a va a spass për la vòlta dël cel.
Carëssand l’aria sensa fé bordel,
a cala s’un mond sol e disorientà.

Tante bòrde ch’a balo con fërvor
a van mulinand a fé baron.
Cite brise sensa destinassion,
sofion ësmòrt a l’arserca ’d color.

S’àusso e as basso për dòp tombé,
sle rive, sij pais e sle cassin-e.
A flotìsso còtie coma bambasin-e
e mugiand anfelo stra e marciapé.

Con j’afann dël temp, cite emossion
a vòlo pì trasparente d’un basin.
Sël senté dla vita a conta fé dël bin,
a baron e vers tute le destinassion