Sergio Gondolo/25 D'Avril
25 D'Avril[modifiché]
Ël mond, scasi për cas , as trasforma
e cola tragedia t’anciòda tuti ij pensé.
Dal passà n’orassion fòrta a ciama,
e tuti sensa tëmma i dovoma ’rcordé.
La vos dròla ’d na consiensa trasandà
a së stërma për na vòta con vërgògna.
Vej e neuv a stan rovinand la dignità,
tra j’arsorse spirituaj svanìe sensa gena.
L’òm ant la tormenta a ralenta ’l patiment,
na vòta a son mòrt përzoné dla stòria,
ancheuj për sté sla stra dël cambiament.
La vera Liberassion a trabala sconsolà,
sgrafignà da j’ofèise portà a la memòrìa
e da cost modern sentiment ëd libertà...