Sergio Donna/Mie rèis

Mie rèis

Mie rèis a son fongà da bin sla pera
dij mont ch'ambrasso ti, o Piemont mè.
E gnun-a assul a podrà mai tajeje,
përché ste rèis a son la vos dij cé.

Ij cé ch'a parlo ancora an lenga antica,
ch'as fan capì, combin ch'a parlo pòch,
e a seufro ciuto për la patria cita
a la deriva, e ch'a perd ij tòch.

Mie rèis a son fongà sota le preus,
mie rèis a son andrinta le colin-e:
sota ij giassé e ij lagh a chërso ancreus,
sota la giàira 'd fium e le boschin-e,

sj'autin, sij brich, j'adoss dij pra, j'arian.
A son gorëgne, stòrte, fòrte, tèise:
a ciucio sava e 'l sust, a chërso pian,
ma a son ëd rèis bin drue e piemontèise.

SD 3 Otóber 2018