Sergio Donna/Ambrun piemontèis

Sergio Donna

---

Ambrun piemontèis

Un barcareul a va con soa barchëtta,
remand con grand vigor contra corent.
Lontan son-a ’n cioché: son-a a baudëtta,
la barca a lassa ’n segn ch’a smija d’argent.
Sle sponde, rame ’d sàles e ’d sambù
a fan la cara a l’aqua e ai sò gargoj:
dandan-o s’na gasìa, nen vëddù,
cantanda doi merlòt ij sò gasoj.
A sàuta an mes al fium un gròss quajass,
lassand un reu d’antorn; bàula un taboj,
antant che ’l sol a cala dré ’l Monvis.
Ël Tani, ëd sèira, na pitura a smija,
’d n’artista che ’nt l’Eutsent l’ha fàit për noi,
ch’a buta gòj e che nòstr cheur gatija.

Scond premi al Concors «Sentieri di Versi (nelle paro- le sospese)» a Trofarel (TO), 2021